Արցախից տեղահանված տարեց անձանց առողջական, հոգեսոցիալական և սոցիալ-տնտեսական վիճակի համապարփակ գնահատում
«Հանգանակ» հասարակական կազմակերպությունը ներկայացնում է Արցախից բռնի տեղահանված և ներկայումս Հայաստանի Հանրապետության տարածքում բնակվող տարեց անձանց առողջական, հոգեսոցիալական և սոցիալ-տնտեսական վիճակի համապարփակ գնահատման արդյունքները /զեկույց/։
Գնահատումն իրականացվել է 2025 թվականի օգոստոս–նոյեմբեր ամիսներին և ներկայացնում է տեղահանված տարեց անձանց կյանքի համակողմանի իրական պատկերը, որը ներառում է՝
- ֆիզիկական և հոգեկան առողջությունը,
- ֆունկցիոնալ կարողություններն ու տնային խնամքի կարիքները,
- սոցիալական կապերն ու հոգեհուզական աջակցությունը,
- բնակարանային և կենցաղային պայմանները,
- ֆինանսական խոցելիությունն ու կարիքների առաջնահերթությունները։
Գնահատումն իրականացվել է Հայ Կանանց Բարեկեցության Միության (AWWA) աջակցությամբ։ Այն նպատակ ունի ներկայացնել ապացույցների վրա հիմնված համայնքային և տնային խնամքի ծառայությունների պլանավորում եւ իրականացում:
Զեկույցը ծառայում է որպես կարևոր հենակետային տվյալների աղբյուր, որի միջոցով հնարավոր կլինի հետագայում գնահատել ծրագրի/ծրագրերի արդյունավետությունը և տարեց տեղահանված անձանց առողջական, հոգեսոցիալական և տնտեսական վիճակի փոփոխությունները։
Գնահատման արդյունքները ցույց են տալիս տարիքի հետ կապված առողջական խնդիրների և բռնի տեղահանման համատեղ ազդեցության հետեւանքները, ինչը ընդգծում է տեղահանված տարեց անձանց համար ինտեգրված առողջապահական, հոգեսոցիալական, սոցիալական և տնտեսական աջակցության անհրաժեշտությունը։
Ամբողջական զեկույցին PDF ձեւաչափով կարող եք ծանոթանալ այստեղ.
(անգլերեն լեզվով)
