"ՀԱՆԳԱՆԱԿ" ՀԿ

ԲԱՐԻ ԳԱԼՈՒՍՏ «ՀԱՆԳԱՆԱԿ» ԲԱՐԵԳՈՐԾԱԿԱՆ ՀԱՍԱՐԱԿԱԿԱՆ ԿԱԶՄԱԿԵՊՈՒԹՅԱՆ ԿԱՅՔԷՋ

Հարգելի բարեկամներ

Սիրով ողջունում ենք ձեզ մեր կազմակերպության կայքէջում:

«Հանգանակ» հասարակական կազմակերպությունը հիմնադրվել է 2004 թվականին Արցախում՝ իր շուրջը համախմբելով հասարակության սոցիալապես ամենախոցելի խավին՝ միայնակ տարեցներին։ Հիմնադրման օրից կազմակերպությունը իր շահառուներին տրամադրում է բժշկական, սոցիալական եւ հոգեբանական աջակցութուն՝ սատարելով նրանց կյանքի դաժան փորձությունների հորձանուտում: Գործելով Արցախում շուրջ 19 տարի, կազմակերպությունը իր ծառայություններն է մատուցել Արցախում բնակվող ավելի քան 1000 միայնակ տարեցների:

2023 թվականի սեպտեմբերի վերջին տեղի ունեցավ Արցախի բնակչության արտագաղթ: Մեկ շաբաթվա ընթացքում իր մշտական բնակության վայրը՝ Հայրենիքը, որտեղ հազարավոր տարիներ ապրել են իրենց նախնիները, լքել է ավելի քան 100 հազար մարդ, այդ թվում՝ «Հանգանակ» հասարակական կազմակերպության աշխատակիցները և կազմակերպության 320 միայնակ տարեց շահառուները։

2023 թվականի հոկտեմբերի 25-ին «Հանգանակ» հասարակական կազմակերպությունը գրանցվել է Հայաստանի հանրապետությունում՝ որպես «Հանգանակ» բարեգործական հասարակական կազմակերպություն: Հիմա մենք մեր առաքելությունը շարունակում ենք Հայաստանում:

Այցելելով մեր կայք, դուք հնարավորություն կունենաք ծանոթանալու մեր շահառուներին՝ Արցախից բռնի տեղահանված միայնակ տարեցներին, նրանց կարիքներին, նոր պայմաններում նրանց գոյատեւման մարտահրավերներին, կծանոթանաք մեր կողմից իրականացվող ծրագրերին, բազմաբնույթ միջոցառումներին, որոնք ուղղված են թեթեւացնելու ամենադաժան փորձութունների միջով անցած մեր շահառուների կյանքը:

«Հանգանակ» բարեգործական հասարակական կազմակերպության շահառուների անունից մենք խորին երախտագտություն ենք հայտնում մեր բոլոր աջակիցներին` Արցախից բռնի տեղահանված տարեց բնակչության կյանքի բարելավման մեջ նրանց անգնահատելի ներդրման համար, եւ, հատկապես, մեր գլխավոր հովանավորին՝ Հայ կանանց բարեկեցության միությանը (AWWA).

«Հանգանակ» Բարեգործական ՀԿ