Հանգանակ հասարակական կազմակերպության մի շարք շահառուներ եւ աշխատակիցներ մասնակցել են Հայկական բարեգործական ընդհանուր միության /ՀԲԸՄ/ ֆինանսավորմամբ «Աջակցության սրճարան արցախցի տարեցների համար» ծրագրին, որն իրականացրել է «Ալցհայմերի խնամք Հայաստան» կազմակերպությունը: 12-շաբաթյա ծրագրի նպատակը Արցախից բռնի տեղահանված 60 և բարձր տարիքի անձանց հոգեսոցիալական աջակցություն տրամադրելն է: Խմբային միջավայրում երաժշտության, արտ թերապիայի, ճանաչողական զարգացման միջոցառումների եւ ֆիզիկական վարժությունների միջոցով մասնագետները փորձել են բարելավել տարեցների հոգեկան առողջությունը, բարձրացնել ինքնավստահությունը և նպաստել նրանց սոցիալիզացմանը:
Ընդհանուր առմամբ ծրագիրը տեւել է երեք ամիս՝ երկու ժամ տեւող ամենշաբաթյա հանդիպումների տեսքով: «Ալցհայմերի խնամք Հայաստան» կազմակերպությունը շարունակում է ծրագիրը Արցախից տեղահանված այլ տարեցների հետ, իսկ Հանգանակի շահառուները հոգեբանական աջակցություն են ստանում Էմպատիա հոգեկան առողջության կենտրոնում՝ հարազատ արցախյան միջավայրում:
Հետեւեք մեր կայքին եւ եղեք տեղեկացված Հանգանակի թարմացումներին: