Մայիսի վերջին պատվիրել ենք եւ պարենամթերք, որը նախատեսված էր ապրիլ ամսվա համար, եւ անկողնային պարագաներ, որը պատվիրել ենք բազմաթիվ շահառուների խնդրանքով: Ուստի պարենամթերքի եւ անկողնային պարագաների առաքումը համընկել է:
Անցած շաբաթվանից Հանգանակի գրասենյակը նորից մարդաշատ էր: Մի կողմից մարզերի պատասխանատուները եկել էին ստանալու իրենց կցված շահառուների օգնությունը, մյուս կողմից իրենք շահառուներն էին եկել գրասենյակ՝ անձամբ ստանալու իրենց օգնությունը եւ հաճելի ժամանակ անցկացնելու հարազատ միջավայրում եւ հարազատ մարդկանց հետ: Պետք է նշեմ, որ շահառուները մեծ հաճույքով իրենք էին ընտրում իրենց անկողնային պարագաները եւ շատ ուրախ էին, որ ունեն ընտրելու հնարավորություն:
Մանրամասները կարող եք դիտել ֆոտոշարքում:
Այս եռուզեռի պատճառով Արմավիրի մարզ մեր խոստացած այցը նորից հետաձգվել է մինչեւ հաջորդ շաբաթ:
Հետեւեք մեզ եւ եղեք տեղեկացված Հանգանակի թարմացումներին: